"سويقة مواشي" على سور مدرسة الأمل للصم والبكم بـ"ميت عقبة"
اشتكى أهالى الشارع الأبيض بميت عقبة من انتشار الخراف والجمال حول سور مدرسة الأمل للصم والبكم، وقالت الحاجة أم سيد، تقيم بالشارع: «إحنا مشكلتنا إن عجل أو جمل يرفس عيل، غير الريحة، والناس شايفة وساكتة من الخوف، نفسنا حد يشوف لنا حل من غير مشاكل، الناس دى تنقل فى مكان واسع مش نبقى عايشين مع الغنم كده ليل ونهار، ده ما يرضيش ربنا، يعنى مفيش ولا لجنة مرة عدت من الحكومة وشافت الوضع ده.. ولا صحة ولا بيئة ولا أى حد؟، إحنا بنموت يا عالم والله، نفسى حد يجى يقعد هنا يوم من المسئولين».