"أم جنة": "عايزة أسدد ديوني وأعيش أنا وبنتي"
أم جنة "٣٠ سنة" من أبناء محافظة أسيوط، مطلقه ولديها طفلة، تقول «مبقيتش بقدر أحرك إيدى اليمين بسبب غلطة دكتور بعد ما عملت أربع عمليات فى إيدي، وبسبب غلطة دكتور فى عملية منهم، العصب مات، ومن ساعتها مش بحركها، وعندى تجمع دموى فى الصدر والكتف وانزلاق غضروفى فى فقرات الرقبة، والدكتور طلب منى أشعة رنين تكلفتها ٥٠٠ جنيه، ومش معايا المبلغ».
وتواصل أم جنة: «معاش والدى ١٠٠٠ جنيه، وباخد علاج كل ١٠ أيام تكلفته ١٠٠ جنيه يعنى ٣٠٠ جنيه فى الشهر، وكنت عاملة قرض بـ ١٠٠٠٠ كل شهر بدفع ٦٨٠ جنيها، علشان أسد القرض، ومش بيتبقى أى فلوس للأكل والشرب، وكل اللى محتاجاه حد يتكفل بتمن الأشعة ويسد عنى القرض علشان أعرف أعيش أنا وبنتي».