بالصور.. "مراجيح وحبيبة" في حديقة أحمد عرابي بالعجوزة
شهدت حديقة أحمد عرابى بالعجوزة، إقبالا متوسطا في أول أيام عيد الأضحى، وفضل الأطفال اللعب في الملاهي، بينما استمتع الكبار و"الحبيبة" بالتنزه في المساحات الخضراء بالحديقة.
ويقول الطفل محمد البالغ من العمر 12 عاما: "أخدت العدية وجيت على الحديقة عشان ألعب وأستمتع بالعيد أنا وأصحابي لأن العيد مش بيجي غير كل سنة مرة".
ويتابع مصطفى منصور: "جيت أتفسح أنا وخطيبتي في الحديقة وجابت معاها أختها الصغيرة، اتمشينا شوية والبنت لعبت في الملاهي، وهنكمل بقيت فسحتنا على الكورنيش بليل، عشان النهاردة اليوم الوحيد اللي واخد فيه إجازة العيد، وراجع الشغل تاني من بكرة".