أهالي شارع الطوبجي في بين السرايات: "الأرض متخرمة ومش متسفلتة"

كل شارع يشير إلى عنوان المنطقة من حيث النظافة أو الجمال أو الإمكانيات الموجودة به بوجه عام، ولكن ما يثير الجدل أن يكون المكان عام ويوجد به ثغرات عديدة تشوه من صورته وهذا ما يوجد بشارع «الطوبجى» وهو من أهم الشوارع بالدقى لكثرة الحركة به.
محمود حامد أحد سكان المنطقة: «أنا بستغرب جدا، مكان عمومى وفى منطقة راقية يبقى الشوارع فيه مش متسفلتة وبالمنظر ده بالزمة ده يرضى حد، العربيات بتتكسر من الحفر دى ده غير وإحنا ماشيين بنحس هنتكفى على وشنا لأن كل خطوة حفرة ده ينفع».
وقالت سهام كامل: «لما يحصل الشكل ده فى الأماكن العامة أمال خلينا إيه للعشوائيات يعنى المفروض تتسفلت الشوارع المتخرمة، دى أقل حاجة بنطلبها من الحى أصلا بيتهيقلى لما الأطفال ولا الكبار لما يمشوا بالليل يتكفو بيبقى منظر مش حلو أبدا».
وأشار أبوعلى «أنا كذا مرة وأنا ماشى من الشارع ده بالليل بحس إنى هقع من كتر ما الشوارع مش متظبطة وده بيتهيقلى ما يرضيش حد خاصة وأنا ماشى بالليل ببقى مش شايف كويس» وأضاف «أنا بلاحظ شوارع جانبية وفى أماكن مش عامة زى الدقى كدة ومتسفلتة ما شاء الله كويس جدا أمال ليه الاستهتار في الأماكن العامة وفى منطقة الدقى بالذات كدة لازم الحى يشوف حل وطريقة يساوى بيها الشوارع كلها ويبقى حتى المنظر لطيف وكويس بدل ما كل خطوة حفرة بالمنظر اللى شايفاه ده، دى من أقل مطالبنا يعنى ما بنقولش أكتر من كدة».