ميدو يعتذر: «احنا مش بنبيع سبح.. والخاين هنجيبه»
اعتذر أحمد حسام ميدو، لاعب نادي الزمالك ومنتخب مصر السابق، عن الفيديو المسرب الذي يتضمن ألفاظًا خارجة، مساء الجمعة، لرباعي ستوديو تحليل مباراة مصر والبرتغال، والتي انتهت بفوز المنتخب البرتغالي بهدفين مقابل هدف واحد.
وكتب "ميدو" عبر حسابه الشخصي على موقع التواصل الاجتماعي "تويتر": "امبارح اتسرب فيديو واحنا قاعدين في الفاصل، بنعتذر طبعا لكل الناس على كل لفظ خارج فيه.. وإن شاء الله هنجيب الخائن للأمانة في أسرع وقت ممكن.. أكيد مش ذنب أي حد أنه يسمع الألفاظ دي!!".
وأضاف ميدو: "أما عن الشباب اللي عايشة الدور ومصدومين من الألفاظ وكده، وكانوا فاكرين ان احنا واحنا بنتكلم مع بعض بنبيع سبح وفوانيس، فبقولهم معلش ما تتخضوش ميدو عمره ما عمل نفسه ملاك، ولا عايز الناس تفتكره ملاك!!".
واختتم كلامه قائلا: "كلنا واحنا بيننا وبين بعض بنهزر وبنضحك، وأكيد لو أي حد سجل ليك انت وصحابك في كلام أكتر من كده ممكن يطلع.. مره تانية بوعدكم هنجيب اللي سرب الفيديو ومش هنسيبه!! صباح الفل عليكم جميعا!!".