أيمن بهجت قمر يعتذر لعمرو دياب: "صافي يا لبن"
أعلن السيناريست والشاعر أيمن بهجت قمر عن قراره بفتح صفحة جديدة مع الهضبة عمرو دياب، وكتب عبر صفحته الرسمية على موقع التواصل الاجتماعى فيس بوك قائلا:
"أنا بقالي فترة بفتح صفحة جديدة مع كل الناس عشان كده مش هتكبر النهارده إني أعتذر، وأبارك لأخويا الكبير وعشرة العمر الفنان عمرو دياب على الألبوم الجديد".
وأضاف: "5 سنين زعل كتير أوي بصراحة، وأنا غلطت لأني أقحمت عمرو في مشكلتي مع روتانا وغلطت أكتر لأني أظهرت الخلاف ده في العلن، ولكن الواحد طول الوقت بيتعلم ومحدش كبير على الاعتذار، ويا عمرو زي أنا ما غلطت في العلن أنا بعتذر لك في العلن أنت فوق إنك فنان كبير أنت أخ حقيقي على المستوى الشخصي أنا افتقدته وعفا الله عما سلف".
وتابع: "وعايز أقدم برضه اعتذار لجمهور عمرو اللي زعل على زعله وحقكوا على راسي من فوق.. وصافي يا لبن".