أشرف عبدالباقي: حقنا هيرجعلنا من "هلا فبراير الكويت"
كشف الفنان أشرف عبدالباقي عن شخصين قاما بالنصب عليه وفرقته "مسرح مصر" في دولة الكويت أثناء مشاركتهم في مهرجان "هلا فبراير"، ونشر عبدالباقي صورهما عبر صفحته الرسمية بموقع تبادل الصور "إنستجرام"، وعلق عليها قائلة: "هاني أبو الفضل أحمد عبدالعاطي، ده واحد من المنظمين في الكويت اللي تعاملوا معانا بمنتهي قلة الذوق وواحد من تلاتة بوظوا التنظيم وأكلوا حقنا اللي واثقين في ربنا إنه هايرجعلنا حتى لو كان ورآه حد كبير!!!! الله اكبر.. هاني بيدعي إنه من الصعيد مع إن الصعايدة أجدع ناس يا تري أهله عارفين عنه كده وسايبينه؟ أكيد مفهمهم إنه محترم وبيدي الناس حقهم".
وأضاف: "تاني واحد من المنظمين اللي بالمناسبة خالفوا معظم بنود العقد واللي سببوا مشاكل مش بس لينا لكن للجمهور اللي حضر في الأربع أيام ونقدر نشوف ده من الكومنتات والفيديو اللي هانزله اسمه محمد عدنان سوري الجنسية مع إن السوريين ناس بتوع شغل مش بتوع حركات".
كان الفنان أشرف عبدالباقي، قد تعرض لعملية نصب خلال مشاركته برفقة فريق مسرح مصر في مهرجان "هلا فبراير الكويت"، وقام بدفع تكاليف الرحلة كاملة للفريق من حسابه الخاص.