سيد أفندي المستهتر
وهىّ خبطة علي نفوخ جنابه من إيد حرمه المصون التقيلة، وصحي السيد أفندي المستهر من نومه العميق، مزعورا، مضطربا، صارخا: إيييه.. ثورة جديدة؟.. الزوجة : لا ياخفيف، فوق، إنت النهارده مش عندك انترفيو؟، ونهض الزوج، وسريعا سريعا ارتدي هدومه وقال يا فكيك، وهىّ ساعة زمن وكان واقف انتباه قدام مسئول حكومي يجري مقابلات لشغل وظيفة حكومية كلشن كان.. المسئول: اسمك؟.. خدامك سيد بلوظة الركباوي، المسئول: عارف جاي ليه؟ سيد: طبعا طبعا وهل يخفى الهدف، طب والله يا باشا ما هتلاقي حد في إهمالي واستهتاري وعدم تحملي للمسؤولية عشان تمسكه المنصب ده.. صدقني.. ومن غير حلفان، هاكون كوتش في رجليك، وشراب في سيقان سعادتك، وعينيك اللي بتبص علي الصراصير الي حواليك.. باشا.. باشا.. عيني تكسبني.