أحدث نكتة.. صعيدي سِكر ولع ف مراته
هزارك تجيل يا مضروب، حد يِهزر بالولعة، طب هَزر بقنبلة ببومباية بصاروخ ورق، أهو حصل، وع الريق النهارده فعلها "عبد الأول" فلاح وصعيدي من قرية بني خالد مركز ملوي، زود حبتين عيار "الجلع" للست حرمه المصون وقلبها غم، ساعة من النعنشة والفرفشة والدلع الصعيدي بين "عبد الأول" و"حمدية" تنتهي بضلمة مخ وعود كبريت يشعله الزوج في زوجته، يخرب بيت دماغك، ضحك ماسخ يا عبد الأول، كنت شارب؟؟، أول سؤال للأمن لـ"عبد الأول" بعد موت الزوجة تأثرًا بالحرق شويًا، ورد: ولا حاجة، شوية محروقين من الملوخية الخضرا البايتة على كوباية شاي تقيل أسود وخلاص.