هشام منصور
البنت إلى بتابع هشام منصور مقطعه بطاقيتها مش فارق معها تقرأ شتايم للصبح في بوست ومش بس كده لأ ده كمان مش فارق معاها تعمل كومنت تعلي على م منصور ذات نفسه وده البنت إلى احذرها عموما
-مصطفى حسني
يعني قلوب ودبيب يعني الحب الحلال يعني زوجتك نفسي...يعني كل الحنيه والدلع ملزوقه في الأخر كلمة يارب لأضفاء حالة من حالات الهيييييح الإسلامي الجميل الوسطي الشرعي الأي كلام في أي حاجة بس في راحه كده...زي المكوه الإسلامي من شركة السعوديه جروب والعطر المضروب من عطور المدينه والكوتشي ADIBAS من عند الشيخ سيد كده يعني
- محمد إبراهيم
ده البنت الدباديب والقلوب والهيييييييييح وايوه بقا ايه ده يخربيتك بيكون افراز هرمون الحنيه عالي جدا عندها فوق الوصف...مش لقيا نفسها في عروض الأرتباط الموجوده في المجره كلها...هي مهيأه نفسها للشخصيه إلى بتصحى باليل تقولها قومي يا حببتي عايز اقولك بحبك مع العلم انها لما تتجوز هتقوله
- سكر ووجيه...وني..
ده بنت جامعيه طهقانه وزهقانه من حايتها بتدخل تفك على نفسها شويه
- محمد عصمت
ده بقا بنت غاوية فامبير وجو السلاخنات ودم بيترطش في كل حته في جواها نوعا ما حب للكرات الدم الحمراء متقدرش تنام غير على فيلم رعب كنوع من انواع مكفأة الذات البنت ده غلبانه في نفسها..
-أحلام مستغنامي
المجروحه على نفسها...حتى لو ممرتش على أي علاقه بس هيا مجروحه وخلاص قفش كده طلعت على الدنيا قفشه..
- غادة عبد العال..
ده بقا بنت فيمنست بشكل ما بتحب البوستات بتاعت احناا ستات جامدين قوي ومش فارق معانا الرجاله إلى قرفنا في حايتنا ويا رب الكرة الأرضيه تفقد هؤلاء الذكور ونقعد نستريح بقا على شواطئ هاواي ملط ماهو مفيش رجاله بقا..
- متابعين صفحت احلام
دول بشر عندهم عقد نقص بيطلعوها على الست الغلابانه ويتريقوا عليها وهما اصلا نفسهم يبقوا معاهم ربع إلى معاها ويكونوا على طبعيتهم زيها كده.
- وليد ديدا
دول حالتهم اصعب من حالة البنات إلى بيتابعوا محمد إبراهيم...لأنهم غالبا بقا مش مستنين حتى يسمعوا قصيده كامله...دول بيقعوا على نفسهم من كلمه.....لأن وليد ما بيطولش عن كلمين.....تعرفي بحبك...تعرفي بموت فيكي...وتلا قي البنات بقا هاتك ياااا هو في كده..
- إلى متابعين صفحة محمد نور
دول تعبانين في دماغهم سيبك منهم
واحد يقولي طب والولاد اقولك الولاد بيتبعوا كل حاجة ومش فارق معاهم ولا حاجه اصلا
