بدأ وزير الإعلام الأسبق أنس الفقي، في كتابة مجموعة من التدوينات على موقع التواصل "فيس بوك" تحت عنوان "لحظة وطن"، بدأها بتحذير المواطنين من النزول إلى الشارع يوم 28 نوفمبر الجاري، لإتاحة الفرصة للشرطة للتعامل بحسم مع عناصر الجماعة الإرهابية التي دعت لمظاهرات مسلحة.
وقال الفقي: "هناك لحظة لا تحتمل الصمت، حين نشعر بأن هناك ما يهدد الوطن، ما يهدد أمن بلدنا، أمننا أنا وأنت وأولادنا.. استوقفتني دعوة لحظر شعبي يوم الجمعة المقبل.. أكيد هذه الدعوة لم تأت من فراغ".
وأضاف الفقي: "المواقع الإخوانية وحلفاؤهم المأجورين بيهددوا بحشد كبير يوم الجمعة ٢٨ نوفمبر.. لسه مصممين يخطفوا مصر من ناسها الطيبين.. مش قادرين يفهموا إن الشعب صاحي وواعي وفاهم مخططهم الحقير.
وتابع الفقي: "أنا واثق في قيادتنا .. وأجهزتنا ومتأكد إنهم مستعدين لمخططهم الحقير .. وانتوا كمان لازم تكونوا واثقين.. المشكلة إن المواجهة الأمنية ممكن تبقي صعبة لو فيه ناس مننا في الشارع .. الأمن علشان يقوم بمهمته لازم يكون في مواجهة مباشرة معاهم.. يكون مطمن إن مفيش مواطن عادي مسالم ممكن يتعرض للخطر.. علشان كده لازم نثق في اجهزتنا ونترك لهم الساحة للمواجهة الأمنة"
وأردف قائلًا: "الحل مش إن الدولة تفرض حظر تجول.. الحل إن الشعب يقرر من نفسه إنه يعمل حظر تجول شعبي.. يوم الجمعة.. إحنا من بيوتنا مش نازلين.. علشان يبانوا المجرمين وتقدر اجهزتنا تتعامل معاهم وتلقنهم الدرس وهما مطمئنين".
واستطرد : "يوم الجمعه ٢٨.. يوم هنقرر فيه بإرادتنا أننا نعمل حظر تجول شعبي ومن بيوتنا مش خارجين.. واثقين في أجهزتنا في جيشنا وشرطتنا.. واثقين في قيادتنا ووراءه مصطفين.. لحظة وطن هتجمعنا كلنا.. مش هنسمح إن مصر يهددها أو يخطفها تاني الإرهابيين.. يوم الجمعة حظر تجول بإرادة شعب".
واختتم بقوله: "الويل للمجرمين.. مصر ستنتصر.. لحظة وطن".
