قرر الزوجان أن يستبدلا الأدوار فيما بينهما، فأستيقظت هي مبكرًا وذهبت للعمل بينما جلس هو في المنزل ليقوم بدورها وكانت النتيجة كالتالى:
* الأطفال في الحضانة في الساعة العاشرة بدلا من السابعة.
*يتصل بها على الهاتف.. هتاكلو إية النهاردة؟.. ولا أقولك هعمل بانية علشان سريع.
*يتصل مرة أخرى ويسألها السؤال الذي تسأله له دوما.. بما إنك الراجل النهاردة.. هتبات برة ولا هتيجى البيت؟
* عزيزتى هو الدقيق والفيجيتار فين؟
*تصل إلى المنزل.. (لا يوجد فيه شبر نظيف) بينما يقف الزوج ملخوم وهو يجهز الطعام.
فتسأله بمنتهى البراءة.. بما إنك الست النهاردة.. لية يا هانم مانضفتيش البيت.. وسايبة كل حاجة مكركبة؟!.
هو: حاضر يا جوزى هنظف كل حاجة دلوقتى.
هي: طب جهزى الأكل بسرعة.
(الغداء: بانية وعيش وسلطة)
هي: هو دا الأكل.
هو: أة أمال انت عاوزة إية يعنى.
هي: ماشى.. بس أعمل حسابك تغسل المواعين بعد الأكل.
هو: كمان!.. إية الظلم دا.
هي: طبعا وكمان تذاكر للعيال وترتب السراير.. ويا ريت تحلق دقنك أنا مش تعبانة طول اليوم علشان في الآخر أجى ألاقيك منعكش ومبوز كده.. أنا ست شقيانة ومحتاجة وش حلو أشوفه.
(يقف على الحوض ليغسل الأطباق)
هي: أما تخلص تعملى شاى وتجيب لى فاكهة
هو: كمان!
هي: هو أنت لسه شوفت حاجة؟!
هو: أنا بلغى الاتفاق.. أنا يا هانم راجل مش ست.. الحمد لله إنى مش ست.
