تابع أحدث الأخبار
عبر تطبيق
من مغترب في الإمارات..
من المواقف الطريفة أول ما سافرت للإمارات.. أول نصيحة من عمي، لو توهت وقف عربية شرطة وقولوا تايه وهيساعدوك!
أول حاجة جت في دماغي أن عمي بيسلمني.. وفي أول أسبوع تهت فعلًا ومش عارف أعمل أيه؟
أتصلت على عمي قولت له: أنا تايه في دبي ومش عارف أوصل للسكن بتاعي.
قالي: زي ما قولت لك شاور لأي سيارة شرطة.
عملت زي ما قال، وشاورت لسيارة شرطة وقفوا وسألوني.
الشرطة: شو فيه؟
أنا: تايه ومش عارف أوصل للسكن بتاعي.
الشرطة: أركب.
أنا: أركب ؟! ليلتي مش فايته شكلها.
ركبت السيارة في الكرسي اللي ورا أتنين قاعدين واحد سايق والتاني جمبيه وقدامه لاب توب فتحه وسألني!؟
الشرطة: أيه اللي تعرفه عن المنطقة اللي أنت ساكن فيها يعني محل مشهور ماركت مطعم.
أنا: فيه هايبر ماركت اسمه كذا والمنطقة اسمها كذا.
اتحركنا...
وفي الطريق دخل على بنزينة..
سألوني بتشرب قهوة ولا شو بتحب تشرب!!؟
أنا في بلاهه أحسد عليها، أنت حضرتك بتتكلم بجد؟!!
الشرطة: يعني هتشرب قهوة.
المهم وصلت القهوة وشربتها ووصلنا عند الهايبر ماركت اللي اعرفه ووصلوني لحد البيت، وأنا كنت من الأزبهلال اللي أنا فيه فاتح بُقي ومش مترجم الصراحة!
عزيزي القارئ هذا ما يحدث بالفعل في الجمهورية بتاعتي..
هسيبك لخيالك مع أني عارف اللي هيحصل.