تابع أحدث الأخبار
عبر تطبيق
ردا على مبادرة الصلح مع جماعة الإخوان التي تقدم بها الدكتور حسن نافعة، كتب الشاعر محمد كشيك قصيدة بعنوان "إياكوا، ياشعبـي مصالحة" جاء نصها كالتالي:
متعورين مليون " طوبــــة"
وأخدنا منهم،
ألف يميــــن
عيني اليمين المضروبـــــة
بالمطوة،
وبكل الســـكاكين
وروحي، صاحية ومعطوبه
ماأعرفش، هاصحي
إزاي، ولميـــــن
أخدت، يامعلــم، بطحـة
إوعوا، في يوم،
تقروا الفاتحــــة
وتعملوا، أي مصالحة،
تتصالحوا، مع تجــار
الدين
وخللي بالك
ياحكــــومة
هاننضرب، مليون شومــة،
وتباتي في، الناس،
مشــــــــتومة،
ورغم ذلك،
متهمـــين...
أنادي كل، جميع الناس
وبقينا، كا الضل المحتاس
وصبحنا في الطين
زي حمــاس،
أنادي علي أمي بدمعــة
رايحين لفين،
ياولادي، لفيـــن،؟
وتطفي في شموعنا الوالعة.
وتنادي، ياأهلي
يامســاكين
يامضروبين، بحزام
من نار
يامشنوقين، في رمال
ده حــــرام،
يامجرحين بحزام
الغــــام
بضربة، مكتومــة
حـــزينة
مقتول بمليون،
ســكينة
وعيني ليه، مش عايزة
تنــــام..
طرفولي عيني، وياحكــومة
حدفوني علي سهوة
بطـــوبة،
ليه نبقي علي طــول وياأمه
نصبح كأمة، ومنكوبة
وعلي الطريق برضك
ماشـــيين،
ولا يوم بابطل في مقاوحــة
ولا يوم هانفضل يوم،
ناســــيين؟
وفي الدماغ مليون بطحــة
وفي الضلوع
مليون ســـكين
بلاش تروحوا، إلي،
مصـــالحة،
ده اللي.. يصالح
يبقي حزيـــــن
دي اللي يصـــالح،
يبقي حــزين....