كل صاحباتى اصطادوا عرسان إلا أنا، كل ما اصطاد واحد يطفش مش عارفة ليه رغم أنى ممتازة، والمشكلة الأكبر أن ماما في الراحة والجاية بتقولى ياخيبة أعملى زى صاحباتك، حتى الجيران بيتريقوا عليا، وكمان بياع السمك بدل ماينادى ويقول بلطى.. بيقول بورتى، يعنى بيلمح لى إنى بقيت بايرة.. إية الحل؟
الرد
عزيزتى انت بتقولى اصطاد؟!.. دا على أساس أن العريس دا دبان، ولا وز عراقى لازم تحددى موقفك، وبالمناسبة لو أنت عاوزة تصطادى عريس من عائلة القرموطى يبقى حالا تاخدى سنارتك وتطلعى على جمصة يمكن ربنا يكرمك، وعلى فكرة اسمها عانس مش بايرة!
