تابع أحدث الأخبار
عبر تطبيق
تمرين السباحة (وصلة تعذيب يومية...للكابتن طبعا!)
الكابتن: يلا يا أدهم..تعالى..
أدهم لا يتحرك
الكابتن: يلا يا ولد يا أدهم!!
ادهم يتجاهله تماما وينظر الناحية التانية!
الكابتن: هوب يا أدهم..بقولك هووووب!! إنت يابني! إنت مش سامعني؟؟!
(ناقص يقوله داهية ف اللي مخلفاك!)
أدهم بنرفزة: إيييييه؟؟؟ في إيييه!! عايز مني إيه؟!
الكابتن: سلامتك! تعالى بقولك..هوووب
أدهم: مابهوبش!
الكابتن: وحياة (أمك) ل تهوب... هوب ياض! هوووب بقولك!
المرة دي انا اللي ببص الناحية التانية.. والمصحف انا اللي ها هوب على روحي م التهزئ دا!!
أدهم: مابعرفش اروح الناحية دي..
الكابتن: يعني بتعرف الناحية التانية؟! طب تعالى يلا..انا قربتلك اهه..
أدهم: ﻷ مش جي..
الكابتن: يابني تعبتني حرام عليك! تعالى بقى ! هوب.. اتهبب هوب..ابوس إيدك!
أدهم: على فكرة..
الكابتن: خير؟
أدهم: المفروض إنت اللي تجيلي! هوب يلا يا كابتن..