يقيم قصر ثقافة اسيوط في السابعة مساء الثلاثاء 23 سبتمبر الجاري، الجلسة التاسعة عشر لنادي كتاب أسيوط لمناقشة الكتاب الجدلي لـ"أحمد العسيلي"، بعنوان "الكتاب الثاني".
ومن أجواء الكتاب، "الحياة قد يراها البني آدم على إنها امتحان، وهي غالباً كده فعلاً، بس هي مش كده وبس... أمال هي ايه؟ لعبة طبعاً.
يعني زي ماتقولوا كده امتحان بس في صورة لعبة... لعبة معقدة جداً بس ممكن تخليها بسيطة لو عايز، لو تقدر..
مطلوب منك تلعب اللعبة بالقواعد اللي تشوفها مناسبة، ماحدّش فعلاً بيجبرك على حاجة.. بس سر النجاح الحقيقي في اللعبة دي هو أنك أنت اللي تلعبها ماتخليهاش هي اللي تلعبك (و ما تخليش حد يلعب مكانك!).. اللعبة دي مش عن المكسب والخسارة (أو على الأقل مش هنا)، ماتنساش نفسك لما تكسب وماتاخدش الموضوع جد زيادة لما تخسر.. ماتستناش حاجة، كل حاجة بتيجي في وقتها.. ماتعملش أبداً حاجة إنت مش موافق عليها، ولما تعمل اللي أنت وافقت عليه ماتندمش.. إتعلّم من لعبك، ماتعملش نفس الغلطات تاني، وبيني وبينكو لو عملتها لكن برضه اتعلّمت ماحصلش مأساة يعني انت بني آدم و بتغلط، ماتزودهاش بس!
لما اللعبة تخلص فيه شوية حاجات قليّلة مهمّة فعلاً، و الباقي كله من وجهة نظري مش مهم:
انت اللي لعبت فعلاً ولا لأ، لعبت بشرف ورجولة واحترام لنفسك واللّعبة ولا لأ، اللي لعبوا معاك حبّوك ولا لأ، الحكم حبّك ولا لأ.
