أثار تصريح الموسيقار حلمي بكر، الذي وصف فيه نجوم وفناني الأندرجراوند والفن المستقل بـ"الشحاتين" و"عديمي الفن"، موجات من الامتعاض وردود الفعل السلبية لدى كل فناني الوسط المستقل.
وأعرب الفنان خالد مختار، الشهير بـ"شيكو بيكو"، البيز جيتاريست لفريق مشروع هيب هوب، وأدمن الصفحة الساخرة "تمت الترجمة"، عن رفضه التام لمثل هذه الإهانة، قائلًا في تصريح خاص لـ"بوابة الأندرجراوند": "الصراحة مش لاقي رد كافي أرد بيه على كلامه، لأن الرد على الشتيمة هيقل مني ومن الفنانين، لكن اللي أقدر أقوله إنه تقريبًا لسه دماغه محبوسة في حقبة الماضي، ومش معترف بالجيل الجديد للفن، اللي ظهر بيه الأندرجراوند، والنجاح الكبير اللي حققه الفنانين المستقلين جماهيريًا وفنيًا، واللي قدروا يقدموا الفن بشكل جديد وبفكر أجدد، ومختلف عن العادي، ده غير إنهم أعادوا إحياء الفن القديم بأسلوب جديد، وبجد تعليقك ضحكني من "الهري" اللي فيه، ولو حطيته على صفحتي تمت الترجمة هيجيب ضحك وتعليقات ساخرة كتير جدًا".
وأضاف: "وبالنسبة لوصفه لينا كمستقلين بأننا شبه شحاتين أوروبا، فأحب أقوله إن الشحاتين اللي في أوروبا دول اللي بيعزفوا ويغنوا في الشوارع بيتقال عليهم هناك فنانين، وبيتعاملوا أحسن معاملة، وبتقدير من المسئولين، وهما ولا شحاتين ولا نيلة، هما فنانين، وفاهمين ودارسين، وبيقدموا موهبتهم وبيتقدروا فبيصرفوا على نفسهم بيها، فلو بتسمي ده شحاتة فده مفهوم غير مفهوم منك، واحنا هنا كفنانين بنصرف على مزيكتنا بنفسنا، وبنتعب عشان نقدم حاجة مؤمنين بيها، ومش مستنيين مقابل، ولا بننحت أي حاجة أو بنقضيها مصالح عشان نسترزق، لأ فننا اللي بيحكم عليه جمهورنا الكبير واللي بيزيد كل يوم".
وأشار شيكو إلى قول حلمي إن الفنانين غير المسجلين بالنقابة غير معترف بهم، قائلًا: "النقابة مش أملة عشان الكل يتمنى يدخلها، ولو فيه فعلا نقابة كان المفروض تدعم الفن المستقل ده وتكبره بدل متهدمه وتشتمه، وياما كتير في النقابة أو محسوبين عليها وأخرتهم بيشتغلوا ورا رقاصات في شارع الهرم، أو في أفراح، فببساطة أحب أقولك إن الأندرجراوند هو آخر حاجة ممكن تعلق عليها بالسلب، وآخر حاجة تهينها، لأن الوسط ده أثبت نفسه قدام الكل، والشهادة عند الجمهور، والوسط ده هيكمل غصب عن أي حاجة، من الآخر "فكك مننا".
وأعرب الفنان خالد مختار، الشهير بـ"شيكو بيكو"، البيز جيتاريست لفريق مشروع هيب هوب، وأدمن الصفحة الساخرة "تمت الترجمة"، عن رفضه التام لمثل هذه الإهانة، قائلًا في تصريح خاص لـ"بوابة الأندرجراوند": "الصراحة مش لاقي رد كافي أرد بيه على كلامه، لأن الرد على الشتيمة هيقل مني ومن الفنانين، لكن اللي أقدر أقوله إنه تقريبًا لسه دماغه محبوسة في حقبة الماضي، ومش معترف بالجيل الجديد للفن، اللي ظهر بيه الأندرجراوند، والنجاح الكبير اللي حققه الفنانين المستقلين جماهيريًا وفنيًا، واللي قدروا يقدموا الفن بشكل جديد وبفكر أجدد، ومختلف عن العادي، ده غير إنهم أعادوا إحياء الفن القديم بأسلوب جديد، وبجد تعليقك ضحكني من "الهري" اللي فيه، ولو حطيته على صفحتي تمت الترجمة هيجيب ضحك وتعليقات ساخرة كتير جدًا".
وأضاف: "وبالنسبة لوصفه لينا كمستقلين بأننا شبه شحاتين أوروبا، فأحب أقوله إن الشحاتين اللي في أوروبا دول اللي بيعزفوا ويغنوا في الشوارع بيتقال عليهم هناك فنانين، وبيتعاملوا أحسن معاملة، وبتقدير من المسئولين، وهما ولا شحاتين ولا نيلة، هما فنانين، وفاهمين ودارسين، وبيقدموا موهبتهم وبيتقدروا فبيصرفوا على نفسهم بيها، فلو بتسمي ده شحاتة فده مفهوم غير مفهوم منك، واحنا هنا كفنانين بنصرف على مزيكتنا بنفسنا، وبنتعب عشان نقدم حاجة مؤمنين بيها، ومش مستنيين مقابل، ولا بننحت أي حاجة أو بنقضيها مصالح عشان نسترزق، لأ فننا اللي بيحكم عليه جمهورنا الكبير واللي بيزيد كل يوم".
وأشار شيكو إلى قول حلمي إن الفنانين غير المسجلين بالنقابة غير معترف بهم، قائلًا: "النقابة مش أملة عشان الكل يتمنى يدخلها، ولو فيه فعلا نقابة كان المفروض تدعم الفن المستقل ده وتكبره بدل متهدمه وتشتمه، وياما كتير في النقابة أو محسوبين عليها وأخرتهم بيشتغلوا ورا رقاصات في شارع الهرم، أو في أفراح، فببساطة أحب أقولك إن الأندرجراوند هو آخر حاجة ممكن تعلق عليها بالسلب، وآخر حاجة تهينها، لأن الوسط ده أثبت نفسه قدام الكل، والشهادة عند الجمهور، والوسط ده هيكمل غصب عن أي حاجة، من الآخر "فكك مننا".
