ردًا على تصريح الموسيقار حلمي بكر والذي وصف فيه فناني وسط الأندرجراوند والفن المستقل بـ "الشحاتين" و"منعدمي الفن"، أوضح الفنان السكندري أحمد شاهين، الشهير بشاهين العبقري رفضه التام هو وكل فناني الأندرجراوند مثل هذه الإهانة.
وقال شاهين في تصريح خاص لـ" بوابة الأندرجراوند": " للأسف مينفعش نرد على كلام "هري" زي ده، لأنه لا منه رأي مفيد ولا نقد بناء، وإنما هو مجرد "شتيمة"، وكمان إهانة بشكل عام لكل الفنانين، بدون سبب أو توضيح أو حتى مناقشة بس اللي ممكن نقوله إن الأندرجراوند وسط ناجح وفكرة ناجحة غصب عن أي حد، والدليل جمهورنا الكبير".
مضيفًا: " أنا فخور إني فنان اندرجراوند، فنان مستقل بقدم حاجة مختلفة، واحنا كفنانين مستقلين الحكم الوحيد والرأي الوحيد اللي بناخد بيه هو رأي جمهورنا وحبه لينا، أما فكرة إن حد يشتمنا لمجرد الشتيمة ولمجرد حقد على نجاحنا لأننا شباب، فده في حد ذاته مرفوض، والأندرجراوند فوق، وهيفضل مكمل لأن الفكرة مش بتموت".
