عارف إنت العيال السخيفة اللي بتقولك الفيس بوك بوظ حياتنا؟!
عارفهم؟!
عارف ليه هما عيال سخيفة؟!
علشان بيقولوا كدة على الفيس بوك !!
عارفه إيه الأسخف من كدة؟!
أن بروفيلاتهم عايشة ببوستين على الأقل كل يوم
عارف إيه الأسخف وأسخف؟!
إنهم عادي بيعملوا أتيند لحفلات على الفيس بوك
عاملين لايك لصفحات كتير
ليهم كومنتات في كل حتة
ده غير إنهم بيغيروا صورهم أول بأول ومابينسوش يعملوا تشيك إن كل ما يروحوا حتة
عارف هما بيعملوا كدة ليه؟!
علشان
علشان
علشان
علشان
مش عارف علشان إيه بس ممكن نكتفي بأن إحنا نقول عليهم عيال سخيفة، وإنهم غالبا نفس العيال اللي كانت بتقف على الفصل وتفكر المدرسين بالواجب ويدوروا على مدرس ياخد حصة احتياطي بدل ما ننزلها ألعاب، وغالبا أهاليهم من اللي صدعوا أهالينا بخطورة التليفزيون ومن بعده الأتاري ومن بعده البلاي استيشن
أرجوك لو شفت حد فيهم كاتب بوست على الفيس بوك بيشتكي من الفيس بوك ما تنساش تهزقه.
#ميس_ميس_الواد_ده_بياكل_والحصة_شغالة
#التحوير_صدعنا_كتير
#عمق_عبث_سريالية
#أنا_مش_زيكم_أنا_أحسن_منكم
