مخترع البيبسي دكتور صيدلي... الجملة إلى فاتت مفيهاش أي شيء غريب... بس الفكرة بقا أنه حب يشغل الصيدلية بتاعته... فقعد يفكر يعمل ايه لحد ما جت في بالو فكرة تقديم عصير يرطب على قلوب الناس اللى تدخل عنده الصيدلية وفي نفس الوقت مفيد لحالات الصداع والإرهاق الشديد زي ما بنقول دلوقتي مشروب طاقة معد من السكر والبيبسين وفي نسبة كافيين معقولة... الكوميدي في الموضوع أن الناس بقت بتيجي الصيدلية مخصوص علشان يشربوا المشروب ده ومع مرور الأيام الناس بقت عايزة كميات كبيرة من المشروب لقدرته على محاربة الصداع والإرهاق... المهم صاحبنا فكر طب هيعمل ايه ؟؟؟ لحد ما بدأ يخزن المشروب في ازايز الدواء والموضوع يشتغل ويببع أكثر.. بس كان عنده مشكلة في السكر ﻷن البيبسي بيستهلك كمية كبيرة من السكر فبدأ يستورد السكر من بره أمريكا...
والموضوع بيكبر أكثر وتحول لمعامل إنتاج البيبسي... لحد ما فيوم ما كل ده راح في الكازووزااااا لما صاحبنا استورد كمية كبيرة من السكر والكمية دى كلها غرقت في البحر وصاحبنا غرق معاها ﻷنه بقا على الحديدة... هل كون الدكتور ده فلس ده يعني أن الموضوع انتهى....
مفتكرش انزل على أي ثلاجه حاجة ساقعة وهتلاقي ازايز البيبسي لسه موجدة كأكبر شركة إنتاج مشروبات غازية في العالم وهنا بقى ييجي دور الحلم في حياة الإنسان...الاستمرار... يعني مع كل بوء بيبسي بتشربه افتكر كويس أنه كان في لحظة فشل في حياة صاحب الإزازة دي.
