حوار خاص مع ممثلة الشركة المنظمة لحفل الكينج بقرية بانجلوز المستضيفة لأضخم حفلات الصيف"عودة الكينج"، هو الشعار الذي يحمله الساحل الشمالي المستضيف لحفل الملك محمد منير، أحد أضخم الحفلات الغنائية من نوعها، والذي يعود بعد غياب طويل لجمهوره، عبر شاطئ منتجع بانجلوز، بالكيلو 73، في العاشرة من مساء الجمعة المقبل.
ومن جانبها، كشفت دينا هلال، ممثلة شركة وورك آوت، المنظمة لحفل الكينج، في حوار خاص لـ "بوابة الأندرجراوند" بالبوابة نيوز، عن الاستعدادات الخاصة التي تجهزها القرية لاستقبال الكرنفال الاحتفالي الأضخم هذا الصيف، الممثل لعودة الكينج لأحضان جماهيره بعد غياب عن آخر حفلاته، قائلة: " احنا مقدرين حجن المسئولية الكبيرة اللي علينا باستضافة حفلة زي دي، وعارفين كويس جدا مدى ضخامة جمهور الكينج واشتياقهم للحفلة، وعشان كده بدأنا من مدة طويلة الاستعداد ليها، مع الحرص تمام على تكتيم الخبر، لغاية ما أعلنا عنه قبل الحفلة بأسبوع.
التجهيزاتالاستيدج أقدر أقول عليه هيبقى مفاجأة، واحنا بنينا مسرح ضخم مخصوص عشان الحفلة، اللي هتبقى على الشاطئ مباشرة، وده مختلف تمامًا عن المسرح العادي بتاع القرية اللي استضفنا عليه سلسلة حفلات خلال الأسابيع اللي فاتت، زي أحمد عدوية وغالية بن على ووسط البلد وكايروكي، وليه تجهيزاته الخاصة على أعلى مستوى من اللايت والساوند وغيره.
العددبداية احنا حرصنا على تكتيم خبر الحفلة لمدة كبيرة، لغاية ما أعلنا معاد الحفلة قبلها بأسبوع، ومتتخيلش كمية المكالمات اللي جتلنا من كل المحافظات عشان يحجزوا ويعرفوا تفاصيل الحفلة، وحرصنا على الالتزام بكلمة أساسية " العدد محدود"، واللي هيبقى بس 6 آلاف تذكرة لاغير، وحتى لغينا الدعوات الخاصة، وفيه نوعين من التذاكر العادية بـ 150 والخاصة بـ 300، وخلينا العدد محدد عشان نقدر نحكم الموضوع بشكل أكبر، والحضور يستمتعوا أكتر، لأن كل متكون قريب من الاستيدج ومن منير كل متعيش في سحره اكتر وأكتر، وهنحرص تمامًا على إن ميحصلش أي تغيير في العدد، وحتى مكاتب توزيع التذاكر محدودة برضه في مكتبين على مستوى مصر، غير المنفذ الأساسي هنا بالقرية.
التأمينأول متقول حفلة لـ" الكينج" لازم تكون عارف أكيد كمية المخاطر اللي ممكن تتعرضلها، أولها العدد الكبير للجمهور اللي ناوي يحضر، وأهما الحفاظ على سلامتهم، ومنع أي احتكاك أو قلق ممكن يحصل، وعشان كده خلينا العدد محدود جدًا، واتعاقدنا مع كزا شركة تأمين خاصة وبودي جاردات، ده غير إننا نسقنا مع "العرب" بتوع الساحل عشان يساعدونا في التأمين، وأهم حاجة في الموضوع إن الجمهور نفسه يساعدنا في تأمين الحفلة وتسهيل الدخول والخروج بدون أي قلق ومشاكل، عشان الكل يستمتع بسهرة مش هتتعوض تاني.
التوقعاتأنا عن نفسي متوقعة إن الحفلة هتبقى قوية جدًا، وهنحاول بكل جهدنا إنها تطلع بأفضل شكل ممكن، بشكل يليق باسم كبير زي الكينج محمد منير، وكمان باسم القرية والشركة المالكة، وياريت الكل ييجي ويستمتع ويفصل نفسه عن الدنيا في حفلة استثنائية جدا من نوعها.
موضوعات متعلقة:
