أعلم جيدا أن مشكلتى ليس لها أي حل، لكن فعلا أنا هتجنن، أنا بحب الممثل الهندى شاروخان جدا وبموت فيه، وكل ما يتقدم لى عريس أقعد أقارن بينه وبين شاروخان، ودايما طبعا الموضوع ينتهى بالرفض علشان مش بلاقى فيه أي شيء من حبيبى شارو، وفى البيت طبعا بيتريقوا عليا وبيعملونى على أنى مجنونة، ودلوقتى مش عارفة أعمل إيه، يعنى هو أنا مفروض أوافق على أي حد وخلاص حتى لو ما يشبهش فتى أحلامى!
الرد
عزيزتى لا يستطيع أحد أن يصفك بالمجنونة ولكن المشكلة الأكبر أن اللى انت بتدورى عليه دا مش هتلاقيه أبدا في مصر، علشان كدة انصحك بحاجة من اتنين إما أن تسافرى الهند وهناك هتلاقى شاروخان الاصلى.. أو أنك تتنازلى شوية وتحبى واحد شبه الفنان العالمى محمود الليثى ودا هتلاقى منه كتير هنا .