ومع نهاية رمضان الواحد اكتشف بعض الحقائق العلمية:
- الممثلين قلبهم أبيض ولا أسود مع ( ريهام سعيد )!
- اوسكار احسن ممثل ل( حمزة العيلى ) الذي قام بدور مسكر في مسلسل ( ابن حلال ) وابدع في الدور وأداء متميز لشخص يعانى من التوحد ويجد صعوبة في الحركة ( بعبقرية شديدة ) قام بالدور ( حمزة ) بأداء ملحوظ،( حمزة) اكتشاف جديد !
- بجنيه واحد ممكن تنقذ قلب طفل وحياة عيله بحالها !
- البلد محتاجك للقضاء على الجوع، وانسى أمر المجمعات السكنية دى مش ليك!
- نسخة مقلدة من ( حريم السلطان ) التركى شاهدنها في ( سرايا عابدين ) المصرى مع وجود بعض المغالطات التاريخية التي تحتاج للمراجعة !
- من خلال بعض المسلسلات اتعرفنا على معاملة الداخلية مع الشعب، ومن خلال سجن النسا شاهدنا قضايا المسجونات والتعامل بين السجينات وبعضهم!
- زيادة شعبية ( مصطفى حسنى ) واصبح فتى الأحلام الأول والأخير للفتيات من خلال برنامج ( عيش اللحظة)!
- أفلام العيد مختلفة عن أي عيد ( ياسمين عبد العزيز، كريم عبد العزيز، أحمد حلمى ) !
- دور بنك التعمير والإسكان ( اللى كان غير معروف ) وانه بنك زى أي بنك عادى!
- كلنا فرحنا مع كوكاكولا ( وكل واحد دور على اسمه على الكانز ) وكلنا دمعنا وابتسمنا مع بيبسى ( لما شوفنا جورج سيدهم ) !
- وخد عندك أوسكار أرخم ( إعلانات ) لرمضان هذا العام ( وقوم اطمن على فلوسك ) وكفاية انك بتحمد ربنا على نعمة العقل كل لما تشوف إعلان ( قطونيل ) لهانى رمزى ( والكارثة أنه فخور بنفسه وبالإعلان )!
- وفى النهاية افتح بيبان قلبك واعرفنى انا إنسان زيك ومفيش فرق بين حلمى وحلمك أنت !
