أعلن مؤسس حركة "تمرد" محمود بدر، إنه ضمن الحملة الرسمية للمشير عبدالفتاح السيسي، مشيرا إلى أنه سيتم إعلان ذلك على الصفحة الرسمية لحملة المشير على "فيس بوك".
وكتب "بدر" على صفحته الشخصية على "فيس بوك": "أنا سبتكم إمبارح تهروا كتير جدا في مين في الحملة الرسمية للمشير، ومين مش في الحملة والكلام الفاضي ده، ولأنه هينزل بعد شوية على الموقع الرسمي والحملة الرسمية أسماء أعضاء الحملة ومسئوليها الشباب وأنا فيهم".
وأضاف: "المهم دلوقتي تاخدوا بالكم وتركزوا معانا، حملتنا جمعت حوالي نص مليون توكيل وسلمت منهم 200 ألف للجنة العليا، وغيرنا لحد دلوقتي عنده مشاكل في المحافظات ومجمعش الأرقام المطلوبة- إن شاء الله هيجمعهم- ، ولأول مرة في اتحاد اوروبي وافريقي ومنظمات دولية هتراقب كمان، من الآخر يعني واثقين جدا في النتيجة، بس برضه من دلوقتي في نحانيح هتطلع تقولك أصل كان في تزوير وتلاعب!".
