في لفتة انسانية رائعة تمتلئ بمشاعر الأبوة، بحث الأستاذ الدكتور سعودي عمرو، عميد كلية الخدمة الاجتماعية، عن طالب يفكر في الانتحار وإنهاء حياته علي خلفية خلاف عائلي "لالتحاقه بكلية الخدمة الاجتماعية" أدى الي طرده من المنزل.
وتضمن منشور الطالب الآتي:
بعد إذن الأدمن يقبل البوست، وبعد إذن أي حد يشوف البوست ده يستحمل دقيقتين ويسمعني، بعد يومين من النهارده هتسمعوا إن واحد زميلكم في الكلية انتحر والشخص ده هو أنا،
والسبب أن أهله طردوه من البيت، لان مجموعه دخله كلية خدمة اجتماعية وبقاله سنتين بيسمع إهانة وتهزيق وهو بيستحمل لحد مافي النهاية طردوه"
واضاف “المنشور”: "وأكتر شخص بيحبه لما راح يحكيله اللي حصل علشان يواسيه ويطمنه رد عليه وقاله معلش كله هيعدي وأنا مش فاضي دلوقتي سلام”.
واختتم "المنشور": "أنا جاي أقولكم كدة علشان لما تكبروا ويكون عندكم أولاد وتفتكروني متعملوش حاجة وحشة معاهم وتعلموهم الحب والأمان يمكن دي هي اللي تشفعلي لما أقابل ربنا".
وأثار المنشور حزن طلاب كلية الخدمة الاجتماعية بأسيوط، وتم تداوله عبر مواقع التواصل الاجتماعي مطالبين بوقف الضغط على الأبناء ومحاولة الوصول إليه لإنقاذه،
وصل المنشور للدكتور سعودي عمرو، عميد كلية الخدمة الاجتماعية بأسيوط، ونشر منشورا على جروب الكلية للبحث عن الطالب ومحاولة الوصول إليه للوقوف بجانبه ودعمه نفسيا.
تمكن عميد كلية الخدمة الاجتماعية بعد محاولات عديده من الوصول للطالب، والحديث معه ودعمه نفسيا حتى جعله يغير قراره بإنهاء حياته، وهو ما انعكس بالفرح والسرور بين الطلاب وأثار إعجاب مستخدمو موقع التواصل الاجتماعي موجهين الشكر لعميد الكلية مطالبين جميع عمداء الكليات بالاقتداء به.
عميد كلية الخدمة الاجتماعية يبحث عن طالب
