كشف الفنان محمود العسيلي كواليس أغنيته الجديدة "على خدك"، عبر حسابه الرسمي بموقع تبادل الصور والفيديوهات "إنستجرام".
ونشر العسيلي عبر إنستجرام صورة من بوستر الكليب، معلقا: "على خدك" دلوقتي موجودة على يوتيوب، بداية الصيف وبداية لحاجات كتير أوي قريب".
وطرح العسيلي أحدث أغنياته بعنوان "على خدك"، كلمات أمير طعيمة، ألحان محمود عسيلي، توزيع على فتح الله، تسجيل محمد صقر.
وتقول كلمات الأغنية:
حياتي لما غيبتي شوية عليا وبعدنا يومين
ثواني عمري كانت بتفوت عليا سنين
وحشتيني لدرجة كنت أنا نفسي ماتخيلهاش
وكان قلبي بيسأل ليه ما بنشوفهاش
وعلى خدك ادي بوسة على خدك
وعلى زعلك ماقدرش أنا على زعلك
وكفاية اللي احنا ضيعناه
وعلى خدك ادي بوسة على خدك
يا لذاذتك في الدنيا دي مين قدك
ده وجودك بالنسبة ليا حياة
ليالي فيها عيشنا ومليون ذكرى ده ما بينا كتير
يا روحي قولي سامحتي خلاص بلاش تفكير
وخدي مني قلبي وعمري بحاله خدي عيني كمان
حياتي ده أنا مقدرش أشوف القمر زعلان
وعلى خدك ادي بوسة على خدك
وعلى زعلك ماقدرش أنا على زعلك
وكفاية اللي احنا ضيعناه
وعلى خدك ادي بوسة على خدك
يا لذاذتك في الدنيا دي مين قدك
ده وجودك بالنسبة ليا حياة
