فاجأ الشاعر الغنائي تامر حسين جمهوره برده على المطرب رامي صبري، الذي اعتذر عن سوء الفهم الذي حدث بينهم بسبب أغنية شكرا التي غناها الهضبة عمرو دياب، حيث لم يقبل تامر حسين اعتذار رامي صبري.
وكتب عبر حسابه الرسمي بموقع التواصل الاجتماعي فيس بوك:"لم يتم الإعتذار عن (الإتهام الباطل ) ومفيش حاجه إسمها سوء تفاهم (سوء تفاهُم من طرفك) مش من طرفنا مش عيب انك تقول بتعتذر انها ماكنتشى اغنيتك وانك غلطت في حقنا وقلت كلام لا أساس له من الصحة الناس محتاجه تتأكِد مين على حق وصاحب الحق بمجرد إعترافك بالغلط حايتم التنازل عن أى إجراء قانونى خدناه ضدك بسبب إنك بتكابِر لو فعلا ً أصحابك وعشرة عُمرك وباقى ع الإنسانيات قول كلمة حق مين فينا وعدك انها أغنيتك؟؟؟".
وأضاف:" انت عارف انها مش ليك ياريت مايكونش البوست ده عشان اغنية نازله لك ومش عايز حد يهاجمها لازم نحترم عقول الناس اكيد احنا مش كل البوستات بنجرى ورا ضلال احنا بنثبت الحق للجمهور المحترم اللى واثق في أخلاقنا".
