قال الرئيس عبدالفتاح السيسي: "إن الكثير من المصريين قلقين جدًا عشان موضوع سد النهضة، قلقكم صحيح وأنا معاكم والكلام دا بقوله لكل المصريين من حقكم تقلقوا لأن موضوع المياه حياتنا يعني"، موجهًا رسالة لكل الشعب: "متقلقوش أنا بطمنكم مش عشان حاجه ولكن عشان عدالة قضية المياه"، مشيرًا إلى أن عدالة قضية المياه مطلب أثبتته الأهرامات، لأن الحضارة المصرية قائمة في الأساس على المياه".
وأضاف "السيسي" في كلمته خلال افتتاح المدينة الصناعية بالروبيكي، اليوم الثلاثاء: "عدالة قضيتنا بشأن المياه أننا حريصين بقدر رغبتنا في العيش على عيش أخواتنا في إثيوبيا والسودان، وبنقول لأخواتنا في إثيوبيا من حقكم توليد الكهرباء وأحنا معاكم فيه وبإخلاص ونتمنالكم التوفيق بكل حب ونوايا طيبة، بشرط أنه ميكونش له تأثير على حصة مصر من المياه".
وتابع: "كل اللقاءات الثنائية والثلاثية تم التأكيد فيها على عدم تأثير السد على حصة مصر في المياه"، مؤكدًا: "محدش يقدر ينكر أهمية المياه في الدنيا كلها، وبقول للمصريين اللي قلقانين قلقكم مشروع وطبيعي، وأنا معاكم فيه ولكن كل ما تقلق وتخاف اشتغل عشان كل ما تشتغل هتبقى قوي وكل ما تبقى قوي حقك محدش هياخده منك".
