أكد الرئيس عبدالفتاح السيسي، أن وقف إصدار تراخيص البناء الفترة الحالية أمن قومي ومصلحة وطنية، وقال الرئيس: "عملنا إيقاف للبناء هل كرها في الناس ولا تضييق عليهم ولا علشان مبنحبش مصلحتهم، إحنا عملنا كده علشان لا بد من مراجعة الكثافة الموجودة فيها علشان الناس تقدر تعيش بشكل مناسب كحد أدنى وبالتالى فيه أماكن في القاهرة لن يصدر لها تراخيص مرة أخرى، واشتراطات المبانى كانت بتقول 7 أدوار هيبقى دورين بس.
وأضاف الرئيس السيسي، أن الدولة لن تتهاون مرة أخرى مع البناء غير المخطط أو المخالف، ودعونا نتوقف عن البناء غير المخطط ونبدأ ننظم بلدنا، وكل من يحتاج شقق سيحصل عليها، لكن هناك البعض يريد أن ياخذ الشقق ويبيع للناس، لكن سنكون حازمين، واشتراطات البناء ستكون في منتهى الحزم والقسوة".
وتابع الرئيس حديثه: "عايز أقولكم على حاجة.. عاوزين نوصل الطريق بتاع الوفاء والأمل حتى طريق السويس.. وكل الطرق اللى بنتكلم عليها طبقا لخطة الدولة القومية.. ودى حاجة معمولة في مصر من 20 و30 سنة فاتوا.. عايزين ألفين وحدة لتنفيذ طريق مساحته 2 كيلو.. وهيبقى صلابة وشدة من الأجهزة من التنمية المحلية.. هدفنا حماية وطن من أننا نعيش كده.. ونسينا الصح والحياة الحقيقية للبشر".
ووجه الرئيس السيسي، الشكر للبنوك وصندوق تحيا مصر لمساهمتهم في مشروعات الإسكان، وكذلك وزارة الإسكان وهيئة المجتمعات العمرانية، وتحملها العبء الأكبر للخروج بالمشهد المشرف.
وتابع الرئيس: فيه مناطق إسكان اسمها زلزال واحد، وزلزال 2 وزلزال 3.. أوضتين وأوضة وصالة.. ونريد فتح الباب لهم للتقدم على شقق بمبالغ معقولة، بحيث أعرف أقول لوزير الدفاع زى ما أعطيتنا الأرض دى، عاوزين حتة أرض تانى من معسكرات الجيش لأجل الـ22 ألف وحدة.. لو عاوزين يغيروا لسكن أفضل ممكن نعملهم نظم تمويل، ولو قدرنا نعمل إحلال لمنشآتهم هيكون أفضل".
وتابع: "أى إنسان يحتاج شقة إحنا نوعده بفضل الله سبحانه وتعالى بتوفيرها، ومش بنخلف وعودنا وهنوفر له الشقة".
وأكد الرئيس السيسي، ضرورة عدم وجود بناء مخالف مرة أخرى، وأن أجهزة الدولة لن تسمح بذلك الأمر مرة أخرى قائلا ازاى يكون في الإسكندرية واحد عليه 88 مخالفة.. وواحد عليه 60 مخالفة.. وحد يعمل 23 عمارة بارتفاع 20 دور على أرض لا تخصه".
وأضاف الرئيس السيسي الدولة موجودة والمحافظة موجودة والداخلية موجودة والقوات المسلحة موجودة.. وحقك أن محدش يغتصب أرض بلدك ومحدش يبنى عليها.. احنا دولة هنبقى دولة مظبوطة، وهناك فئة قليلة حصلت على مكاسب، وهتدفع كويس.. هتدفعوا كويس علشان التعويض ونقدر نصلح اللى حصل.. هاخد مظبوط علشان لصلح مظبوط.. وازاى شارع عرضه مرتين ولا متر نص ويكون فيه عمارة كبيرة ولو حصل حريقة مش نعرف ندخل".
وافتتح الرئيس عبدالفتاح السيسي اليوم، عددًا من المشروعات القومية من بينها المرحلة الثالثة من سلسلة إسكان الأسمرات وهي "الأسمرات ٣" والتي تضم آلاف الوحدات السكنية الكاملة الخدمات والمرافق، بالإضافة إلى افتتاح أكبر مجمع للخدمات يستطيع أن يلبي مطالب نحو 100 ألف نسمة يقطنون مشروع الأسمرات بمراحله الثلاث
ويهدف المشروع إلى نقل وتسكين الأسر والأهالى من قاطنى العشوائيات والمناطق الخطرة داخل مجمع سكنى حديث يوفر لهم واقع مجتمعى جديد به جميع الخدمات السكنية والمجتمعية على نحو متكامل.
