قال القس أغناطيوس هدية اليوم على صفحته الرسمية على موقع التواصل الاجتماعي فيس بوك، "ساعة الحظر متتعوضش من وحي الكورونا وأحد المولود اعمي"
قريت من فترة كبيرة كتاب عن السماء والملكوت وكان بيقول انك لما هتدخل الملكوت هتتفاجئ ب ٣ حاجات وهي:-
١- هتتفاجئ إن فيه ناس كنت تتوقع إنك هتلاقيهم اول ناس لما تدخل الملكوت وملاقتهومش
٢- هتتفاجئ ان فيه ناس مكنتش تتوقع انك هتشوفهم في الملكوت ولاقتهم موجودين
٣- والمفاجأة الكبرى انك هتلاقي نفسك إنت موجود في الملكوت
وأضاف أنا بقي حاسس نفس الإحساس اليومين دول مع اختلاف الموقف طبعا
في موضوع الكورنا والحظر وقفل الكنايس
١- انت اكيد متفاجئ ان في ناس كتير من اللي كانت موجودة باستمرار في الكنيسة، مش فارق مش فارق اصلا معاها موضوع قفل الكنايس ولا حاسين بوجود ربنا دلوقتي
2- انت اكيد متفاجئ ان موضوع قفل الكنايس فرق مع ناس كتير مكنتش بتشوفهم في الكنايس اصلا ولا كانوا قريبين من ربنا واصبحوا قريبين من ربنا وبيصلوا دلوقتي لربنا من قلبهم وبيصرخوله وبيقدموا توبة وبيطلبوا ان ربنا يرجع يفتح الكنايس ويديهم فرصة تانية
٣- المفاجئة الكبيرة ان انت اتفاجئت انك واحد منهم
السؤال الاهم بقي
يا ترى انت اتفاجئت انك واحد من المجموعة الاولي ولا التانية، بقيت قريب ولا بعيد، وفي الحالتين ارجع لربنا وقدم توبة مستمرة واوعي الفرصة تضيع منك لانها ممكن متتكررش تاني في حياتك واستغل وقت الحظر في القرب من ربنا
واختتم في كلا الحالتين قول لربنا اشكرك يا رب اني كنت اعمي والآن أبصر
واعرف إن ساعة الحظر متتعوضش
