قال الإعلامي عمرو أديب، إن المصريين يعانون منذ عشرات السنين من الشهر العقاري بلا سبب واضح، مضيفًا: "بتروح الشهر العقاري بتلاقي الناس بتبات من اليوم اللي قبله، وبتبعت حد يحجز دور من اليوم اللي قبله وتقضي يومك كله فيه في مكان متر في متر فيه 5 موظفين بس".
وأضاف "أديب" خلال تقديمه لبرنامجه "الحكاية" على فضائية "إم بي سي مصر" اليوم الأحد: "طبعا الموظفين غلابة والطابور الكبير والناس اللي واقفة دي كلها هيخدموهم إزاي، والناس مستعدة تدفع دم قلبها عشان تخلص أمورها، والحكاية دي بقالها 100 سنة يعاني منها المصريين ومحدش حلها".
وتابع: "النهارده رئيس مجلس النواب الدكتور على عبدالعال، والنواب قالوا ننقله لوزارة التخطيط، وكأن القضية هي نقله، عمري ما فهمت أيه الحكمة أن المكاتب قليلة والعمالة اللي فيها قليلة"، متابعًا: "ليه الشهر العقاري بكره ميبقاش في كل مكاتب البريد، طب ما تعملوا للشهر العقاري شركة خاصة.. وفيها إيه".
وأوضح: "حل مشكلة الشهر العقاري لن تكون بضمه لوزارة التخطيط، متوقعا أنه بتحويل الشهر العقاري إلى قطاع الخاص ستتحسن مستوى الخدمات.
