قال الرئيس عبدالفتاح السيسي، إن برنامج تحسين خدمات الكهرباء والإنتاج لكي يتم تحقيقه لا بد من زيادة عدد الشبكات ومحولات ومحطات التحكم لتحقيق مرونة في نقل الكهرباء.
وقال:"زي ما عندنا قناة السويس وتعتبر محور حركة بين الشمال والجنوب.. دلوقتي بقينا جسر لنقل الكهرباء بنفس الطريقة".
وأضاف "السيسي" في تعليقه على كلمة الدكتور محمد شاكر وزير الكهرباء، خلال افتتاح عددًا من المشروعات القومية بمدينة دمياط الجديدة، اليوم الثلاثاء:"عشان نعمل تطوير وتحسين في خدمات الكهرباء، بعد ما كان عندنا نحو 2300 كيلو شبكات تقريبًا دلوقتي بقى عندنا 6 آلاف كيلو، بمعدل 3 أمثال تقريبًا الشبكات التي كانت موجودة لدينا.
وتابع:"مفيش حاجة بتتعمل إلا بالتخطيط ومتابعة التنفيذ والأموال التي تضخ لتنفيذ التطوير والإنتاج، والتي تنتهي بوجود محولات ومحطات تحكم وساعة ما نحققها يكون لدينا قدرة على إدارة التشغيل بكفاءة عالية جدًا، ومنحسش أن الكهرباء ضعيفة عندك في البيت أي كان مكانك الصعيد والدلتا وغير ذلك الكفاءة عالية زيها زي أي مكان في مصر، وكل دا بـ 615 مليار جنيه دفعتهم الدولة لتطوير الشبكات".
