سرد محمد أشرف، صديق العريس الهارب مصطفى حسن الملقب بـ"مصطفى أبو تورتة" أثناء حفل خطوبته، أحداث الواقعة التي أثارت جدلا واسعًا على مواقع التواصل الاجتماعي خلال الساعات القليلة الماضية، قائلا: إنه كان ضمن المعزومين في حفل الخطوبة، وكان شاهدا على ما حدث في الحفل.
وأضاف "أشرف" في تصريحات خاصة لـــ"البوابة نيوز": "إنني أعرف مصطفى منذ 10 سنوات، وتم دعوتي على الخطوبة، وحضرنا بالفعل في إحدى القاعات بمحافظة الإسكندرية".
وبشأن ما أثير حول عدم وجود أصدقاء لـ"مصطفى" في الخطوبة، قال: إنه غير صحيح، مضيفًا أنه كان موجودًا مع 6 من أصدقائه في الخطوبة، موضحًا أنه يوجد تهويل وضجة على أمور شخصية، وأنه يوجد كلام غير حقيقي صدر من أشخاص لا يعرفون شيئا عما حدث.
وأوضح أن ما حدث فعليا هو أن مصطفى علم بتعب خاله، وأصر على مغادرة الخطوبة، منوهًا إلى أن والده متوفًّى ووالدته كانت موجودة في الخطوبة، وبالفعل غادر مصطفى القاعة مسرعا للاطمئنان على خاله حسب ما ذكر لنا.
وحول ما أشيع عن سرقة "مصطفى تورتة" الخطوبة، أكد أنه ترك كل شيء، ولم يأخذ أي متعلقات معه، موضحًا أن الاتهامات التي تنشر عنه عبر رواد مواقع التواصل الاجتماعي غير حقيقية.
وبسؤاله عن التواصل مع مصطفى، أكد أننا لم نعرف عنه شيئا، مشيرًا إلى أن وسيلة الاتصال انقطعت به، موكدًا أنه حاول الاتصال به مرارًا وتكررًا دون وجود أي فائدة.
وطالب صديق مصطفى وسائل الإعلام، بتحري الدقة فيما ينشر، مشيرًا إلى أن هذه الأمور شخصية وتتعلق بتفاصيل حياته، معبرًا عن استيائه مما حدث عبر رواد مواقع التواصل الاجتماعي.
كان قد تصدر مواقع التواصل الاجتماعي "فيس بوك وتويتر"، خبر انفصال مصطفى عن خطيبته، ونشر رواد مواقع التواصل الاجتماعي بوستات متعلقة بهذا الأمر.
وقالت خطيبته في بوست: "أنا كان مقري فتحتي زي ما كله عارف على مصطفى، وخطبتي كانت يوم السبت اللي فات المفروض كان بينا مشكلات زي أي اتنين عاديين مع مامته بقى وخلافات بتحصل أول ما أطلب حاجة، وقلت ده عادي بيحصل.. بس اللي متخيلتش إنه يحصل إنه يسيبني في القاعة لوحدي.. اتفاجأت إنه مش عازم صحابه ولا قرايبه كلهم وحسيت في حاجة غلط حتى مامته وأخته مفيش.. واحدة فيهم جت باركتلي وقلت أمشي اليوم".
وتابعت الفتاة: "كل ما أقوله فين الشبكة اللي هنلبسها يقوللي أصل اتكب عليها شربات أصل وقع جاتوه عليها.. طب خليها بعد البوفيه وكلام كله غريب كدا لحد ما دخلنا بعد البوفيه لقيت أهله كلهم مشيوا.. وقال إيه خاله تعب! فيقوم أهله كلهم يمشوا وأنا في القاعة لوحدي بدور عليه ألاقيه بيصرخ بره ويقول خالي عيان وبيلطم وحاجات غريبة كده، وأنا أقسم بالله ما مستوعبة اللي بيحصل هو في واحد خاله عيان عيلته كلها بتمشي الستات اختفوا بس كانو بيهزروا فوق نسوا العيان".
وأضافت: "والأنيل إننا اكتشفنا إنهم أخدوا التورت معاهم طب مش خالك عيان.. أخدتوا التورت معاكم ملبستنيش شبكة.. وقبل كل ده بأيام جالي البيت وأخد التوينز بتاعت قراية الفاتحة بحجة إنه عايز يلبسني كله مرة واحدة في القاعة وأنا هبلة وافقت مجاش في بالي للحظة واحدة أنه هيعمل فيا كدا".
واختتمت الفتاة بقلب موجوع: "دلوقتى حبه أقول كل ده عشان إيه؟ كان ممكن ننهي بالمعروف من غير أذى نفسي ليا.. كان ممكن تسترجل وتيجي تقولي يلا نفركش وكنت لغيت الخطوبة.. مش جي وبترقص وتقولي محضرلك مفاجأة.. وفي نيتك تعمل فيا كده.. حسبي الله ونعم الوكيل".
