عرض الإعلامى وائل الإبراشى تسريبا صوتيا للإخوانى الهارب بهجت صابر، يتبادل الاتهامات مع أحد قيادات الإخوان بالجبن وادعاء البطولة.
وقال بهجت صابر في التسريب الذى استعرضه الإبراشى خلال حلقة الأربعاء من برنامج "كل يوم"، الذى يقدمه عبر فضائية "ON E": "يا جبان دا أنت صورتك الحقيقية خايف تحطها على البروفايل بتاعك، عمال تشتم وخايف تحط صورتك على البروفايل".
وأردف: "اكتشفت المصيبة أن بعضهم مستخبي وبيقود العمل، طب أنت في ثورة لا أنت زعيم ولا ليك ثقل سياسى، الثورة لو ليها قائد بيخافوا عليه ويخبوه عشان ميتقتلش، لكن أنت محصلتش الشبشب اللى أنت لابسه".
وأضاف بهجت صابر: "الجبن وارد في كل مكان ومبقولكش متكونش جبان، لكن متكونش جبان ومستخبى تحت السرير، وتحت السرير فيه عمارة وفيه شقة وعايش في بلد تانية، وتيجى نقولك الناس بتتعذب في السجون تقولى أنت لا تعلم أن الله لا ينصر مش عارف إيه.. طب طالما أن الله لا ينصر طب ما تعلن عن نفسك بقا.. وسيبك من شغل العبط والاستهبال دا".
