أم أحمد، ٦٢ سنة، من أبناء محافظة القاهرة تعيش مع زوجها المريض بغرفة تحت السلم بالدور الأرضي في عقار قديم بمنطقة الدقي تقول «الأوضة اللي قاعدين فيها محدش يستحمل يعيش فيها ولما منسوب الصرف الصحي بيعلي بنلاقي نفسنا في الشارع بسبب برك مياه الصرف الصحي وهدومنا وعفشنا كله بيغرق».
وعن معاناتها تقول «بعدما كان زوجي بيصرف علىَّ جاله المرض ومبقاش يقدر يتحرك من البيت وبقيت أنا بنزل يوميا أبيع عيش علشان أقدر أصرف على نفسي وعليه ورحت قدمت على معاش تبع وزارة التضامن من شهر ٣ السنة اللي فاتت وسألت من أسبوع تاني قالولي دورك لسه مجاش».
مستكملة «تقدمت بشكاوى عديدة وطلبات على أمل الحصول على وحدة سكنية من الوحدات التي أعلنت عنها وزارة الإسكان ومحافظة القاهرة»، لكن الشروط التعجيزية تقف حاجزا أمامي وأمام كل إنسان ليس لديه المقدرة المادية على دفع مقدم الحجز وتطالب أم أحمد وزارة الإسكان والمسئولين بمنحها وحدة سكنية ضمن بند الحالات القاسية حتى تستطيع أن تعيش حياة كريمة هي وزوجها المريض.
للتواصل: ٠١١٤٥٦٣٠١١٩
