استاءت الفنانة سوسن بدر من هجوم البعض مؤخرا على الوسط الفنى واتهامه بالانحراف ونقص معايير الأخلاق.
وكتبت بدر عبر حسابها على موقع التواصل الاجتماعى "فيس بوك" قائلة: "أنا آسفة جدا، أنا أصغر وأقل بكتير من أني أتكلم فى الدين والأحاديث النبوية الشريفة، آه أنا مسلمة، ولكن لكل مجال متخصصين فيه بس من ساعة الوقعة اللى حصلت، وكل الناس داخله تسأل وتستفسر، وكلام سخيف جدا جدا جدا وبايخ عن الفن والفنانين، وأصبحنا كلنا متهمين بعدم الأخلاق وعدم التربية، أصبح الفن والفنانون من وجهة نظر البعض أننا ناس منحلين بلا أي أخلاق أو تربية أو قيم للأسف مكنتش عاوزه أتكلم عن الموضوع ده بالذات، بس الموضوع كبر أوي لدرجة أننا أصبحنا كلنا متهمين منحرفين، كلنا وحشين جدا، وده غير صحيح يا جماعة، الفنانين ناس محترمين جدا، ومش معنى أن واقعة حصلت من حد معين ده دليل على أن الفن كله بالشكل، ده يا ريت يا جماعة أرجوكو نقفل الموضوع ده، ومش حتكلم فيه تانى نهائى رجاء منكم رجاء وشكرا".
يذكر أن الفنانة سوسن بدر تشارك فى بطولة مسلسل "أبو العروسة" والذى يحقق أعلى نسب مشاهدة على اليوتيوب، ونال إعجاب الكثير من الجمهور والنقاد ويشاركها فى العمل مجموعة من النجوم منهم سيد رجب ورانيا فريد شوقي.
