طالب عدد من أهالى مركز ومدينة شربين، اليوم الإثنين، الدكتور كمال جاد شاروبيم محافظ الدقهلية، بتحديد موعد لافتتاح الموقف الجديد والذى نفذوه بالجهود الذاتية خلال فترة تولى المحاسب حسام الدين أمام المحافظ الأسبق والدكتور أحمد الشعراوى المحافظ السابق.
ورد محافظ الدقهلية عليهم قائلا: "مش معقول كل شىء يبقى المحافظ روحوا افتحوه أنتم مش هتحتاجوا المحافظ علشان تفتحوا كل شىء مثلا النهارده كنت بفتح مدارس في شربين، والمراكز التانية فيها مدارس كتير هروح افتحهم كلهم لا طبعا".
وتابع: "ممكن أحدد معاكم ميعاد وفجأه ييجى اجتماع فى القاهرة أو أى مكان فى نفس الوقت هنلغى ساعتها افتتاح الموقف لا طبعا يبقى أنتم افتحو الموقف وشغلوه".
وأعطى محافظ الدقهلية توجيهاته لمسئولي إدارة المرور بالبدء فى تشغيل الموقف والعمل على تعديل خطوط السير وذلك بصفة تجريبية، قبل بدء تشغيله رسميًا.
