قال الفنان هاني رمزي، إنه كان يعشق الفنان فؤاد المهندس، مشيرًا إلى أنه قام بالعمل معه في عدد من فوازير "عمو فؤاد" وسهرات التليفزيون.
وأوضح رمزي، في حوار لبرنامج "8 الصبح" على فضائية "DMC" اليوم الإثنين: "كان بيعتبرني زي ابنه، ولما كنت أحب أقعد قعدة حلوة أروح لفؤاد المهندس، وكنت بحب حكاوي فؤاد المهندس، كان يحب يجمعنا على الأكل، وكان بياكل قليل مش كتير، لكن إحنا اللي كنا بناكل الأكل كله، بحب ذكرياته جدا".
وأضاف: "أن المهندس كان مثلي الأعلى واتعلمت منه كتير جدًا، لأني شوفته وهو بيضحك ويبكي، وهو بيذاكر دوره كويس، وإزاي بيتعامل مع الكاميرات".
وعن الفنان عادل إمام، قال رمزى: "تربينا على أفلامه، وبعتبر نفسي تلميذه لإني اتعملت كتير جدا من أفلامه، ولما بقعد معاه بسمع منه كويس أوي، وبشوف وجهة نظره وآراءه وخفة دمه وأسلوبه في الكوميديا".
