تحتفي الأوساط الفنية والثقافية، بالشاعر "بيرم التونسي" الذي تحل ذكرى وفاته في مثل هذا اليوم 5 يناير، وهو واحد من أشهر شعراء العامية المصرية
قال عنه الدكتور طه حسين: "أخشى على الفصحى من عامية بيرم"، وبفضل أعماله لقب بفنان الشعب، وشاعر العامية، وهرم الزجل.
ألف العديد من الأعمال الغنائية والمسرحيات الغنائية، وتعامل من خلالها مع كبار الفنانين والمطربين من بينهم أم كلثوم، فريد الأطرش، أسمهان، محمد الكحلاوي، شادية، نور الهدى، محمد فوزي، بالإضافة إلى الأعمال الإذاعية، ترك ارثا كبيرا من القصائد والمسرحيات الغنائية والزجل للأجيال، مما جعلته يمنح
من الرئيس جمال عبدالناصر جائزة الدولة التقديرية عن جهوده في الأدب والفن عام 1960.
من أبرز قصائده، رائعته التي تغنت بها سيدة الغناء العربي أم كلثوم وهي قصيدة "الحب كده"
ومن كلماتها:
الحب كده وصال ودلال ورضا وخصام
اهو من ده وده الحب كده مش عايز كلام
الحب كده..
حبيبي لما يوعدني تبات الدنيا ضحكالي
ولما وصله يسعدني بافكر في اللي يجرالي
ينسيني الوجود كله ولا يخطر على بالي
ولما طبعه يتغير وقلبي يبقى متحير
مع الافكار ابات في نار وفي حيرة تبكيني
وبعد الليل يجينا النور وبعد الغيم ربيع وزهور
اهو من ده وده الحب كده مش عايزه كلام
الحب كده..
حبيب قلبي يا قلبي عليه ولو حتى يخاصمني
ويعجبني خضوعي اليه واسامحه وهو ظالمني
وبعد الغيم ما يتبدد وبعد الشوق ما يتجدد
غلاوته فوق غلاوته تزيد ووصله يبقى عندي عيد
وبعد الليل يجينا النور وبعد الغيم ربيع وزهور
اهو من ده وده الحب كده مش عايزه كلام
الحب كده..
يا سعد اللي عرف مرة حنان الحب وقساوته
ويا قلبه اللي طول عمره ما داق الحب وحلاوته
تشوفه يضحك وفي قلبه الأنين والنوح
عايش بلا روح وحيد والحب هو الروح
حبيب قلبي وقلبي معاه بحبه في رضاه وجفاه
اوريه الملام بالعين وقلبي على الرضا ناوي
بيجرح قد ما يجرح ويعطف تاني ويداوي
اهو من ده وده الحب كده مش عايزة كلام
الحب كده.
