تابعت «صوت الناس» أعمال تطوير شارع أحمد عرابي، حيث تفقد اللواء جمال الشبكشي، رئيس حى العجوزة التابع لمحافظة الجيزة، أعمال تطوير الشارع، حيث استمر العمل فى توسعة الملف للاتجاه القادم من كوبرى أحمد عرابى والمتجه إلى شاع السودان أمام مدينة الطلبة، كما تجرى أعمال إزالة زوائد الأرصفة وتجريف الأرض، ورفع المخلفات، ونقل أعمدة الإنارة.
كما تفقد رئيس حى مخزن الإشغالات بشارع السودان، وتابع انتظام العمل وتوافر وسائل الحماية المدنية والالتزام بالنظافة ونظام الحركة دخول المصادرات.
وحول إغلاق شارع أحمد عرابى جزئيًا للبدء فى أعمال محطة مترو جديدة، قال الشبكشى إن الغلق سيكون فى مسافة لن تتجاوز ٣٠٠ متر، وذلك للقادم من كوبرى أحمد عرابى باتجاه سفنكس، لافتا إلى أن الغلق سيتم بداية من حديقة الطفل حتى سور هيئة الصرف الصحى.
وأضاف أنه بعد مناشدات المواطنين بسبب تكدس المرور وازدحام الشارع أثناء مرورهم تمت إزالة الرصيف الموازى لسور حديقة الطفل ورفع المخلفات وتسوية الأرض لتوسعة الطريق فى اتجاه ميدان سفنكس.
ناشد أهالى شارع نجيب محفوظ، بمنطقة العجوزة، مجددا المسئولين بحل مشكلتهم مع الطريق المتهالك ويتسبب فى إصابات لكبار السن بسبب الحفر، مؤكدين أن من أقل الحقوق هو أن يتم رصف الطريق من أجل سلامة كبار السن.
يقول «عم محمد»: ٥٠ عاما، أحد سكان الشارع: «إحنا مش عارفين نمشى وأنا سنى كبير، والشارع كله حفر غير الفتحات، ووقعت أكتر من مرة وأصبت فى رجلى وفى إيدى وغيرى كتير، بسبب الأسفلت المتكسر ويحتاج للرصف عشان نقدر نمشى، ولا نقعد فى البيت منطلعش وإحنا اشتكينا أكتر من مرة بس مفيش حد سمع لينا».
وأضاف «شريف على»، ٣٩عاما، صاحب محل موبايلات: «الطريق ليه زمان على كدا، إحنا الشباب مفيش عندنا مشكلة بس الراجل أو الست العجوز اللى بتمشى بالعافية مش هتقدر تاخد بالها زى الشاب، يوميا بنطلع نجرى علشان نرفع واحد ونلاقى جسمه أغلبه مصاب غير الأطفال الصغيرة بسبب الحفر، ورصف الطريق دا من أقل حقوقنا كمواطنين، وهينفع الجميع وإحنا وجهنا أكثر من شكوى بس مش عارفين نعمل حاجة والناس كلها فى المنطقة بتعانى».
وتابع «أحمد»: ٢٥ عاما، قهوجى: «كل يوم بنشيل واحد من على الأرض بسبب الحفر وفيه مطب صناعى هنا عمله واحد مش تبع الطريق يعوق العربيات وكله يجد صعوبة فى العبور من عليه وكبار السن هنا يوميا بنشيلهم من على الأرض وجسمهم كله بيتصاب وإحنا عايزين الطريق يترصف ودا من أقل حقوق المواطن».
واختتم أهالى شارع نجيب محفوظ بمنطقة العجوزة، مطالبين المسئولين بسرعة الاستجابة لشكواهم رحمة بكبار السن.
