ناشد أهالى شارع المكتب بالدقي في الجيزة، المسئولين بالحى إنقاذهم من تهالك أرضية الشوارع العامة لديهم، والتى تسبب فى مشاكل أثناء السير للسيارات أو كبار السن.
«أبورامز» أحد سكان المنطقة، ٤٥ عاما يقول: «الطريق المليان بالحفر ده ما يرضيش حد، خصوصا إن الشارع عام، يعنى الحركة عليه كتير، فيا ريت يكون فيه اهتمام، وأنا راجل كبير وكل يوم بروح أصلى الفجر، رجلى بتقع فى الحفر دى يعنى ممكن أتكسر أى وقت لولا الستر من ربنا».
وتتابع: «أم حنان» ٥٠ عاما، «أكتر من مرة بحس إنى هقع فى الحفر دي، ده غير إن المنظر العام مش كويس، والأمر بيكون أكتر سوءا لما الشتا بيدخل والامطار كلها بتصب هنا، فيا ريت يترصف».
ويستكمل: «محمد عدنان» ٣٠ عاما، «مكان معروف زى ده ازاى يتساب كده، من غير رصف أمال خلينا إيه للأماكن العشوائية، وبعدين إحنا ما بنطلبش المستحيل، كل اللى بنطلبه هو حد من المسئولين يشوف الشارع عامل ازاي».