تعيش فوزية البالغة من العمر ٣٤ عامًا، بمنشأة البكاري بمنطقة الطوابق بفيصل، وحيدة جائعة وسط دموع وأحزان لا تفارقها، وتدعو الله أن يشفيها من الشلل النصفي الذي أصاب اليد اليسرى والقدم اليسرى، وهي في العام الأول من عمرها بسبب إهمال أهلها.
تقول فوزية: «جالي شلل وأنا عندي سنة بسبب إهمال أمي وأبويا لي، ولما بدأت أكبر وأبويا بدأ يعالجني مات وأمي اتجوزت وأهملتني وبقت تعاملني وحش بسبب مرضى وأخويا يضربني ويبهدلني».
وأضافت: «أمي جالها مرض نفسي شديد وساعتها إخواتها خدوها عندهم البيت ومرضيوش ياخدوني عشان التعب اللي فيا، وسابوني في الشارع ومش معايا غير شنطة هدومي، وأهل الخير خافوا عليّ من الشارع، شافولي أوضة وصالة في بيت مهجور، لأن مافيش حد رضى يقعدني عنده».
وتابعت: «قاعدة في الشقة دي بهدومي بس ولا عندي بطانية تقيني برد الشتاء ولا سرير أنام عليه، والأكل ممكن أكل كل يومين تلاتة أول ما حد يعطف عليّ، والإيجار بسيط بس مش عارفة أدفعه منين وإزاي».
واختتمت: «أنا دلوقتي بين الحياة والموت نفسي أعيش كويس أو حد بس يعملي دخل أكل وأشرب وأدفع الإيجار منه أو حتى بطانية أدفى بيها في الشتاء»
للتواصل مع الحالة: ٠١٠١٣٤٧٠٠٣١
