وسط أربعة حوائط وثلاثة أولاد وزوج مريض، تعيش أم شيماء البالغة من العمر ٢٩ عاما، ومقيمة بمنشأة البكارى، الطوابق فيصل، فى حزن دائم ولا تطلب غير الشفاء لزوجها الذى يعانى من الغضروف ومياه بيضاء فى العين، وخشونة فى الركبة.
تقول شيماء «أنا عايشة وسط ولادى ومش قادرة على مصاريفهم من مدارس وأكل ولبس، ولا أى حاجة ملناش أى دخل شهرى ولا مصدر رزق ثابت، هو اليوم بيومه يا ناكل يا مناكلش على حسب اللى بيجيلنا من عند الله وأولادى بيتعبوا مش بقدر أكشف عليهم ولا أجيب لهم علاج».
وأضافت «زوجى عمره ٦٠ سنة لا بيقدر يشتغل ولا يجبلنا لقمة ناكلها وعنده أمراض كتيرة ومحتاج عملية هتكلفنا فلوس كتير، وأهو بيطلع على باب الله كل يوم يا يجيله رزق أو ما يجيش وقاعدين فى شقة بالإيجار ومش قادرين ندفع الإيجار، وصاحب البيت بيتخانق معانا كل يوم ومهددين بالطرد»، وتناشد شيماء أهل الخير مساعدتها على المعيشة وعلاج زوجها».
للتواصل مع الحالة: ٠١٠٦٦٧٦٨٧٣٧
