نشر الفنان محمد محمود عبدالعزيز صورة جديدة عبر صفحته الشخصية بشبكة التواصل الاجتماعي فيس بوك، تجمعه بوالده الفنان الراحل محمود عبدالعزيز، والذي مرت الذكرى الثانية لوفاته أمس، وعلق محمد علي الصورة قائلا: "بصراحه الصوره دى ماكنتش متصورها عشان انزلها على السوشيال ميديا، كنت عاملها ليا انا بس عشان احطها على موبايلى واعلقها فى بيتي وشركتى، بس قلت لنفسى اكيد فى ناس كتير عاملة زى حالاتى وليها حد غالى عليها بعيد عنها، ايا كان نوع البعد حتى لو مسافر مدة طويله.
وأضاف: نصيحتى، اعمل زى ما انا عملت، اتصور صوره حلوه مع الشخص الغالى عليك ولو كان مسافر ابعتهاله وعرفه قيمته عندك وحسسه بحبك ليه، ساعتها اكيد هيفرح وانت كمان هتفرح وهتقصر بينكوا المسافات مهما طالت، العمر مهما طال قصير اللى انت حاسه قوله واللى بتحبه قوله بحبك فى وشه صدقنى ممكن بكره ماتلاقيهوش، أما لو الغالى عليك المسافة اللى بينك وبينه أبعد من السفر، أكيد برضه هيحس وهيفرح وأنت كمان هتفرح أنك معاه فى صورة جديدة حتى لو مع صورته.
