قال إسلام شريف صاحب فكرة مشروع "نو مادس"، أو "الرحالة" إنه خريج "هندسة اتصالات"، ويهوى الرحلات، مشيرا إلى أنه يسافر منذ عشر سنوات ويجوب العالم.
وأضاف، خلال منتدى الشباب العالمي، "فكرتنا أن احنا بنحاول نوصل كل المسافرين حول العالم ببعض أونلاين فأي حد مسافر بيدخل يسأل سؤال يعرف نصايح يعرف طرق إزاي يسافر يروح فين يحجز إزاي ويحجز منين بدل ما يدخل أي موقع يدور على أي تفاصيل تخص البلد اللي مسافرها".
وتابع "الأحسن من الدخول على تطبيقات عليها خرايط وفنادق ومطاعم إننا نسأل ناس راحت وزارت البلاد دي فعلا وعاشت التجربة بواقعية شديدة بدل ما يقرا حاجة وتطلع على الحقيقة مش زي الفكرة اللي أخدها واللي قراه وعلى رأي المثل اسأل مجرب ولا تسأل طبيب".
وأكمل "بنلجأ لمواطني البلد نفسها والتواصل معاهم او الناس اللي زارت البلاد نفسها علي سبيل المثال لو سائح جاي القاهرة وعايز يزور الأهرامات أقدر أقوله إيه أفضل توقيت يروح فيه الهرم الصبح بدري قبل الزحمة إيه الأماكن الحلوة اللي ممكن يقيم فيها وايه أماكن الأكل المناسبة لذوقه".
