أصبحت الحياة مليئة بالأعباء التى ترهق الفقراء وتجعلهم فى معاناة مستمرة، من قلة حيلتهم فى ظل هذه الظروف التى جعلتهم فى قلق على مستقبل أبنائهم، غير أنهم يعانون طوال الوقت من جمع قوت يومهم، ومنهم عم أشرف عادل، البالغ من العمر ٤٧ عاما ويقيم بداير الناحية بالدقى.
ويقول «عم أشرف»: «أنا شغال أرزقى، ولو تعبت فى يوم مش هلاقى آكل أنا وعيالى، وأعيش فى معاناة عشان أقدر أوفر احتياجات أسرتى، ومش عارف أدفع إيجار بيتى».
وتابع: «مفيش عندى أى دخل غير أنى بشتغل فى أى حاجة عشان أقدر أصرف على عيالى، وأبنائى فى مراحل تعليمية مختلفة وكل يوم مصاريفهم بتزيد والأعباء بتكتر عليا».
واختتم: «كل ما أتمناه فى الحياة هو مصدر رزق أو مساعدة مالية تساعدنى على المعيشة ومصاريف عيالى فى دراستهم».
للتواصل مع الحالة ٠١٢٠٧٠٣١٢٢٦.
