شيء ينقصني ولا أجد وسيلة لاستكماله، وهذا ما يعاني منه الفقراء الذين يعانون من صعوبة المعيشة التي لا ينالون منها إلا الشقاء الذي رسم على جبينهم، لتلتقي «البوابة» بخيتة محمد صاحبة الـ٥٠ عامًا وتقيم بشارع الجامع بالحتية، لتحكي لنا شكواها.
لتبدأ كلامها قائلة: «أنا عايشة لوحدي، وابني ساكن مع مراته في شقة بعيدة عني، والمصاريف عليه كتيرة عشان عياله في المدرسة، والدنيا بقت غالية ومش عارفة أشتغل عشان أصرف على علاجي وتكاليف المعيشة.
وأضافت: «بعاني من عيني مش بشوف منها ومركبة عين صناعية غير إني بعاني من الضغط وخشونة في رجلي، مش بقدر أمشي عليها، ومش بقدر أكشف بسبب إن مفيش ليا دخل أعيش منه حتى المعاش شلوه كان بيسندني شوية بالرغم من إنه قليل ودلوقتي مبقاش فيه معاش ولا أي حاجة، والظروف بقت أصعب بكتير من الأول، بعاني من المعيشة ومصاريف علاجي.
واختتمت كلامها قائلة: «محتاجة عملية لعيني ونفسي أتعالج وأنا مش معايا فلوس أكشف وأتمنى أن يساعدني أحد على العلاج».
للتواصل مع الحالة ٠١٠٦٤٩٢٦٤٦٣.
