هدف كل مواطن لقمة عيشه، وعندما تنقطع يقتله الحزن والحيرة، وهذا ما تعانيه راندا مهدى ٢١ عامًا.
تقول: «عايشين بعقد إيجار، وأنا وأسرتى من الفيوم، وبطاقة التموين واقفة ومش عارفين ناخد عيشنا بقالنا سنتين، ومطلوب لما نصرف يكون فى الفيوم فقط، ولما نطلب من القاهرة بالرقم اللى واخدينه بديل للبطاقة يقولولنا لازم عقد تمليك، طب إزاى احنا ساكنين بالإيجار، وما معييش غير عقد التمليك بتاع الفيوم بس، وما ينفعش آخد بيه من القاهرة».
وتتابع: «كل اللى عاوزاه حد من المسئولين يشوف لى حل فى المشكلة دى، بقالى سنتين على الحال ده، وبنشترى عيش الرغيف بجنيه، وإحنا دخلنا أساسا ما بيكفيناش، يعنى اللى بيشتغله جوزى ندفع نصه فى شراء العيش».
واختتمت: «يا ريت حد يهتم بشكوتى».
للتواصل: ٠١١٢٠٢٦٢٢٠٨
