تجلس بمنزلها حاملة على أكتافها مصاريف علاجها من أجل أن تتفادى الألم الذى ينهش بجسدها منذ سنوات، والمعاناة التى تعانيها من هذا الابتلاء بورم بالثدى واستئصاله.
الحاجة نعيمة محمد، صاحبة ٥٧ عامًا، تقيم بالحيتية بمنطقة العجوزة، لتنقل ما تعانى منه؛ أملًا فى أن يساعدها أهل الخير.
تقول الحاجة نعيمه: «عندى ورم بالثدى، رحت معهد الأورام، حولونى مستشفى الأورام بالتجمع الأول، وكنت بأخد قبل العملية مرة كل أسبوع ٤ كيماوى أحمر و١٢ كيماوى أبيض غير التحاليل وأشعة كل أسبوع، الدكتور قالى لازم عملية وعملتها، وتم استئصال الثدى بمستشفى، والعملية مفتوحة زى ما هى، رحت أغير على الجرح قاللى العملية بتاعتك مفتوحة متنفعش، وكدا المفروض أدخل عمليات مرة تانية.
وأضافت: «بعانى من مصاريف العلاج، عندى ابن وحيد، وبيحاول على قد ما يقدر يوفر العلاج وفلوس العملية، ولكن بردو مش قادر يقوم بالمصاريف، مصاريف كيماوى لازم أخده وعربية لازم تنقلنى بتاخد ٣٠٠ جنيه عشان مقدرش أتحرك بسبب الكيماوى، أنا كل اللى معايا ٣٥٠ جنيها كمعاش باخده، ابنى مش عارف يلاحق على إيه ولا إيه، وقولتله سيبنى كدا لحد ما أموت ورافض، كل ما يشوفنى بتألم من المرض يزيد حزنى، الفقر والمرض مش عارفة أهرب منهم، ونفسى بس حد يساعدنا بأى حاجة يشترى العلاج يوفر فلوس المواصلات، لأن كل اللى حيلتى المعاش».
للتواصل مع الحالة: ٠١١٤٠٠٧١١٦٠